Pagadian City – Armado na sa abilidad ang kapolisan sa Zambaonga del Sur sa ilang rescue operation sa oras nga dunay mahitabong linog.
Kini human ang kapulisan sa Zambaoang del Sur Police Provincial Office, kapolisan sa syudad sa Pagadian lakip ang tanang tropa sa Municipal Police Station milampos sa ilang pag-apil sa ikaduhang Quarter sa nationwide simultaneous earthquake drill karong hapon ubos sa programang “Oplan Pagyanig” sa administrasyon ni President Duterte.
Matud ni Police Col. Redentor Retusto sa ZSPPO ang maong earthquake drill mao ang pag-promote sa disaster preparedness response sa kapolisan sa lalawigan kon dunay mahitabo nga linog.
Gipakita sa kapulisan ang tukmang lakang nga subayon kun motay-og ang linog isip maoy sumbanan usab sa publiko aron dili malibug ug matarantar sa angayan nga buhaton atol sa kalamidad.
Gisunod sa kapulisan ang lagda nga_ “duck, cover ug hold,_” ang organisado nga paagi sa paghiklin paingon sa _evacuation site._
Photo Credit to Pulis Pagadian
