Blanko pa gihapon ang kapulisan sa lungsod sa Sindangan sa nahitabong pagpanglungkab sa usa ka opisina nga anaa nahimutang sa barangay Goleo sakop sa nahisgutan nga lungsod.
Kahinumduman niadtong adlawng Lunes mitaho sa buhatan sa kapulisan si Matet Ansoc y Ontoc, 29 anyos residente sa brgy. Tambana, Naga Zamboanga Sibugay ug sekretarya sa Gold Digger Credit Services Corporation nga gipanag-iyahan ni Ignacio B. Luvido nahimutang ang maong opisina sa may Sitio Balik-Balik, Brgy. Goleo, Sindangan.
Sa gihimong imbistigasyon sa PNP matod pa sa dihang gi ablihan na niini ang opisina, iyang nabantayan nga ang trangka sa kwarto nga kung diin atua didto ang steel vault naguba na u gang vault gilugit ginamita ang wala matino nga himan ug pugsanon kini giablihan sa wala mailang kawatan.
Adunay sulod nga kwarta ang maong vault nga dili mo ubos sa P125,000.
Ang duty investigator nga si PSI Sergio R. Bihag nakigkutay kini sa SOCO Dipolog aron pagproseso sa kaso.
Sa gihimong pag imbestiga sa SOCO ilang gikabutyag nga walay nakitang pagpugos pagsulod base nausab sa nakita sa gawas sa panimalay.
Sa pagkakaron padayon pa ang ilang pagimbistiga sa maong hitabo ug ila nausab napahibalo sa mga kasikbit nga stasyon sa pulis aron sa posibleng pagkasikop sa maong wala naila nga kawatan.
