Igo nalang sa pagpangagho si PO2 Harold Serquiña, sakop kini sa Sindangan MPS human gisulod ang iyang balay sa wala mailang kawatan didto sa Brgy. Disud, lungsod sa Sindangan.
Saysay pa ni PO2 Serquiña, gitangag sa usa ka wala mailang kawatan ang iyang service firearms nga kargado ug bala, gikuha usab ang iyang kwarta ug mga nagkadaiyang ID ug ATM Cards.
Sa pag imbistiga sa kapulisan nasayran sa sayong kagabhion niadtong adlawng sabado ang anak ni PO2 Serquiña, gisakitan matod pa kini ug tiyan hinungdan nga iya kining ge ubanan sa pagkatulog uban usab sa iyang mga anak didto sa kwarto sa iyang mga anak.
Niadtong higayuna walay kuryente mao nga nigamit sila ug portable generator set ug ang koneksyon sa wire gipaagi kini sa bintana sa iyang kwarto ug nagpabiling abli hangtod nga sila natulog.
Mga alas 2:18AM niadtong adlawng Domingo didto kini mi agi sa master bedroom ug giguba ang samin sa cabinet gilayong gikuha ang FA 9mm(Taurus), usa ka F3 Oppo, P10,000mil nga kantidad sa kwarta, ug mga nagkadaiyang ID.
Sa maong panghitabo nakamatikod si PO2 Serquiña nga ang samin sa iyang kwarto nangabuak, dali kini niyang gisusi ug didto iyang nakita ang usa ka wala mailang indibidwal nga milayat sa bintana.
Gisinggitan pa ni PO2 Serquiña ang kawatan apan gipabuthan na hinuon siya maayo nalang wala kini siya maigo sa bala.
Sa pagkakaron blanko pa ang kapulisan sa Sindangan kun si kini ang maong kawatan nga walay kahadlok nga misulod ug mikuha sa mga butang lakip na ang kwarta.
