Kagahapong adlawa ang kapulisan sa lungsod sa Sindangan nagpahigayon ug “Security Coverage” atol sa gihimong Election sa SK Federation sa maong lungsod partikular sa may brgy. Goleo, lungsod sa Sindangan sakop ning probinsya sa Zamboanga del norte.
Kahinumduman bag-ohay lang natapos ang Barangay and Sk Election 2018 niadtong mayo 14 ning tuiga, kagahapon piliay na usab sa mamahinong federated sk chairman sa nahisgutan nga lungsod.
Dili lamang ang paghatag sa seguridad sa piliay ang ilang gihimo apan lakip usab nga nagbuhat ug mga checkpoint ang Pnp Sindangan sa ilang area of responsibility aron nga masiguro nga walay makasulod nga mga dautang element nga adunay dili maayong plano.
Samtang sa laing bahin dinhi sa dakbayan sa dipolog kanunay usab nga nakaalerto ang kapulisan sa pagpanguna sa hepe nga si PSupt Darwin Sac Rafer may kalabutan na usab kini sa nagkaduol na nga dakong kalihukan sa probinsya ang Saulog 2018 nga kung diin lauman kining dugokan sa daghanang mga bisita gikan pa sa nagkadaiyang mga lugar o bisan paman sa mga kasikbit niini nga mga probinsya aron sa pagsaksi sa talagsaong aktibidades.
