Siocon- Padayon pa karon ang pag imbistiga ug follow-up operation sa kapulisan sa lungsod sa Siocon human sa nahitabong pagpamusil didto sa may brgy. Latabon sakop sa nahisgutan nga lungsod ning atong probinsya.
Kahinumduman nga nahitabo ang maong pagpamusil mga 6:50PM niadtong nakalabayng adlaw. Nga kung diin ang biktima mao si Ben Alibbon Jakarain, 45 anyos, menyo, ug usa ka barangay tanod, nga taga brgy. Malambuhangin, sakop sa maong lungsod.
Sa padayon nga gihimong makuting imbistigasyon sa kapulisan nasayran nga ang biktima uban sa mga customer nga nag barog atubangan sa tindahan nga gipanag-iya ni Ursula Magdua Micabalo, 50 anyos.
Nga kung diin matod pa, dili mo ubos sa unom ka tawo ang mipugos pagsulod sa tindahan apan giharangan kini sa mga concern citizens.
Ang nahisgutan nga mga armado matod pa, misibat kini, samtang pagawas mipabuto ang usa sa mga suspek gamit ang short firearms ug walay swerte maayong pagka igo sa lawas sa biktima.
Dali kining gidala sa balay tambalan human sa panghitabo, nakuha sa lugar nahitaboan ang 3 ka bala nga iya sa m16 riffle ug tulo ka basyo sa kalibre 45 lakip usab nga nakuha ang 2 ka pares sa tsinelas.
Sa pagkakaron ang biktima anaa na sa maayong kahimtang sulod sa balay tambalanan.
