Ang kapulisan karon dinhi sa tibuok probinsya sa Zamboanga del norte pinaagi sa pagpanguna ni OIC Provincial Dir. PSSUPT Michael Macapagal andam na sugod karong adlawa aron bantayan ang kahapsay ug kalinaw dinhi sa probinsya.
Tungod kay karong adlawa mao na ang pagsugod sa lokal nga kampanya sa mga kandidato sama sa mga magpapili pagka Congressman, Gobernador, Mayor, board member ug uban pang mga lokal nga kandidato.
Ilabina nga gideklara lukop sa tibuok pulo sa Mindanao nga hot spot area panahon sa eleksyon.
Nagpasabot lamang bisan dili kaayo gubot dinhi sa probinsya sa Zamboanga del norte apan dili gihapon angayan mag kumpyansa ang kapulisan tungod kay dili masiguro ang dagan sa panahon samtang galawig pa ang pagpangampanya sa mga kandidato.
Bantay sarado karon sa PNP Zamboanga del norte ang mga lugar ilabi na kadtong kanunay atakihon ug mga lawless element para mangdagit sama sa mga negosyante o di ba kaha mga adunahan.
Gi awhag sab sa kapulisan ang mga Zanortehanon nga mo tabang pagbantay sa kahapsay ug kalinaw sa tibuok probinsya.
