Hugot nga gibantayan kagabie sa kapulisan dinhi sa Zamboanga del norte ang pagsaulog sa kapaskuhan karon nga tuig aron sa ingon nga luwas ang pagsaulog sa Pasko sa matag lungsod ning probinsya.
Gituyo kini nila alayon na usab sa kamanduan ni PNP Chief Oscar Albayalde nga kinanghanglan walay mga casualty ang matala diha sa ilang tagsa tagsa ka mga AOR.
Gawas sa mga taga PNP naka alerto usab kagabie ang mga taga Bureau of Fire Protection aron bantayan ang posible unya nga mga pagsilaob gamit ang mga guinadiling pabuto, hinuon walay natala nga mga dagkong insidente nga may kalabutan sa pag gamit ug pabuto.
Kini human unang nanawagan ang taga DOH, PNP, BFP ug uban pang hingtungdang ahensya nga likayan ang pag gamit ug pabuto nga guidili aron layo sa disgrasya.
Mapasalamaton usab ang mga kapulisan ug mga kaubang ahenysa sa pagsanong sa katawhan sa ilang panawagan tungod kay wala kaayo’y mga natala nga dinagkong panghitabo diha sa ilang buhatan.
Dugang nalang pagpahimangno sa kapulisan nga karong umaabot nga bag-ong tuig sama lang giahapon niini nga sitwasyon nga hapsay ug malinawon ang moang mga kasaulogan.
