Ang kapulisan karon sa Zambonga del norte sa pagpanguna sa atong acting Provincial director PS/Supt. Raul M. Tacaca, padayon sa ilang kampanya batok sa guinadiling droga dinhi sa atong probinsya.
Kanunay naman sila nga mo bisita sa kabalayan aron mang apod-apod ug mga flyer mahitungod sa dili maayong epekto sa paggamit sa droga sukad nga gibalik sa atong pangulo ngadto sa kapulisan ang operasyon sa pakigbatok sa droga.
Sa 27 ka lungsod nga sakop sa Zamboanga del norte, ang mga pulis matag lungsod uban sa Barangay Anti-Drug Abuse Council (*BADAC*), religious group, ug mga opsiyales sa barangay magkuyog kini sila aron magpahigayon ug Tokhang sa mga nalambigit sa guinadiling droga lakip na usab ang wala nalambigit ilaha gihapon kini nga istoryahan mahitungod sa dili maayong epekto kun ikaw magamitan ug droga.
Gawas sa tokhang, magpahigayon usab sila ug Tahpang kun Tapok hangyo ngadto sa pampublikong lugar sama sa plaza, mall, ug sa mga terminal nga kung diin atoa didto ang daghang mga tawo.
Sa pagkakaron, hugot gihapon ang ilang pakigbatok sa droga dinhi sa atong probinsya human nga adunay mga taho nga padayon gihapon ang pagsulod sa droga gikan sa dakbayan sa Ozamis ug sa mga kasikbit nga mga probinsya.
Kini karon ang ilang gihatagan ug dakong pagtagad nga maharang gayud ang matag indibidwal nga mosulod ug magdala sa droga dinhi sa atong probinsya sa Zamboanga del norte.
