ZDN-Padayon gihapon karon ang pagbantay sa kapulisan sa matag simbahan diha sa mga kalungsuran sakop ning probinsya sa Zamboanga del norte sa gihimong simbang gabi sa mga katoliko Romano.
Ika unom na ka adlaw karon sa simbang gabi sukad niadtong adlawng Domingo Desyembre 16 hangtod kini karong adlawng lunes desyembre 24, 2018 nga kung diin mao ang ika siyam ka adlaw sa dili pa ang adlaw sa pasko.
Gani ang kapulisan dinhi sa Zamboanga del norte hugot nila nga gibantayan ang mga pampublikong lugar ilabi na ang mga simabahan kun asa mo dagsa ang mga katawhan alang sa pagahimoon nga misa sa mga kaparian.
Kini karon ang gitutukan sa mga kapulisan aron sa ingon nga dili ma balda ang maong kalihukan sa mga katoliko, adunay mga police visibility diha sa gawas sa mga simbahan nga mao na unya ang mo bantay sa mga katawhan ug sa mga sakyanan aron hapsay ang dagan usab sa trapiko.
Giawhag usab sa mga kapulisan ang katawhan nga dili gihapon mo kompyansa kay bisan unsa pa ka hugot ang seguridad aduna gihapon mangita ug pamaagi para lang makahatag ug kagubot, kun ugaling adunay mamatikdan gilayong itaho ngadto sa ilang buhatan aron dali nga ma aksyonan.
