ZDN-Tungod sa nagkaduol na ang adlaw sa pasko ning bulan sa Disyembre ang kapulisan karon dinhi sa probinsya sa Zamboanga del norte sa pagpanguna ni OIC Provincial Director PSSupt. Michael Magapagal kanunay sila nga naka alerto matag karon ug unya.
Ang hepe sa 25 ka lungsod ug duha ka syudad nga mao ang Dipolog ug Dapitan ning probinsya sa Zamboanga del norte kanunay nga gahimo ug mga checkpoint diha sa ilang tagsa-tagsa usab ka mga AOR aron sa ingon nga dili gayod makahatag ug higayon ngadto sa mga indibidwal nga buot magsabwag ug kagubot.
Adunay tulo ka mga lugar karon ang gitutukan pag ayo sa PNP zamboanga del norte ug hugot gayud ang seguridad, gilangkuban kini sa lungsod sa Sindangan ug dakbayan dinhi sa Dipolog ug Dapitan tungod kay kini ang adunay pinaka daghang mga tawo ug mga dumoduong.
Lauman nga daghan ang mga mobisita gikan pa sa mga kasikbit nga probinsya para mo tan-aw sa kaanindot sa mga Christmas light display ilabi na sa kagabhion.
Nag awhag usab ang kapulisan dinhi sa probinsya ngadto sa katawhan mga magbinantayon gayud ug dili magpanuko sa pag sumbong sa buhatan sa kapulisan kun adunay mamatikdan nga mga kadudahang lihok butang.
