General Santos City— Giangkon ni Police Superintendent Aldrin Gonzales, tigpamaba sa Police Regional Office 12 nga nakadawat sila ug impormasyon nga empleyado sa munsipyo sa Sharif Aguak ang duha nga namatay sa shootout sa tacurong.
Pamahayag niya nga sa karon, wala silay impormasyon nga nadawat kung magka-ila ang duha ka mga suspek ug ang duha nga nakit-ang patay sa Banga.
Apan gipaklaro niini nga subay sa imbestigasyon, narekober sa posisyon sa duha nga silang Badrudin Singgol ug Esmael Kusain ang IED, armas ingon man flag sa ISIS.
Dugang pamahayag ni Supt. Gonzales nga sa karon, ilaha pang ginahulat ang dugang nga report gikan sa lower unit kalabot sa tinuuray nga ilhanan sa duruha ka mga namatay sa Tacurong ug sa Banga.
Kini gumikan, wala matud pay impormasyonsila nadawat nga magka-uban ang mga nasangpit ayha nakit-ang patay ang duha nga gituuhang gi-salvage sa tacurong.
Higayon matud pa nga adunay reklamo kabahin sa maong operasyon, mamahimo matud pa nila kining ipa-abot sa korte.
