Kini human gibakwi sa kapuyo sa biktima nga si Winnie Baylon ang iyang extra judicial confession nga siya ang mibuhat sa krimen.
Sa pakighinabi sa DXDC RMN Davao kang Police Lieutenant Joe Marlon Cabe, ang Chief Investigator sa Tagum City Police Station, iyang gibutyag nga bisan pa og gibakwi sa suspect ang pag-angkon, bug-at gihapon ang atubangon niining mga kaso.
Matud ni Cabe nga atol sa pagrekober sa patay nga lawas, miatubang kini kanila ug mitug-an sa gibuhat nga krimen.
“Niangkon siya ma’am nga siya gyud ang nipatay ug nilabay. Ang rason niya ma’am is dugay na na sila nag away-away regarding sa property anang suspect. Nakialam naman gud daw ang babae. Unya dili ra ba sila kasado. So hubog siya, gisamukan siya kay baba daw kaayo ang babae mao tong iyang napatay,” matud ni Cabe.
Sa pagkakaron, nakatutok ang kapulisan sa mga eye witness nga misulting nakit-an nila ang sako nga gisudlan sa patay’ng lawas sa biktima nga bitbit sa suspect anang gabii ayha nahitabo ang krimen sa Apokon, Tagum City.
Karong adlawa, i-inquest si Baylon ug andam mupasaka og kaso batok kaniya ang anak ni Zamora.
RadyoMaN Ivy Parido
