Davao City – Idayon matud pa sa mga militanteng pundok sa pagpanguna sa Bagong Alyansang Makabayan ug Kilusang Mayo Uno ang online protest didto sa kaulohan diin lakip usab sa himuon ang pagsunog sa effigy ni President Rodrigo Duterte subay sa ika limang State of the Nation Address kun SONA niini karong adlawa, July 27, 2020.
Sa pakighinabi sa DXDC RMN Davao kang Karapatan Southern Mindanao Secretary General si Jay Apiag nga kumpirmadong dunay pagsunog sa effigy apan didto lamang kini sa kaulohan himuon, walay apil dinhi sa Davao City subay sa aktibidad nila unyang alas 3 sa hapon sa Freedom Park.
“Diri sa amo (sa Davao City), wala given nga we are still following the health protocols… Walay advisory nga miabot sa amo nga there will be burning sa effigy,” segun ni Apiag.
Samtang gibutyag niini nga usa sa ilang ipanawagan mao ang igong pagresponde sa gobyerno sa COVID-19 pandemic lakip usab ang bahin sa human rights ug uban pa.
RadyoMaN Renz Barbarona
