TACLOBAN CITY – Imbis nga nagririsyo han Santa Cruzan ha Purok Slaughter, Brgy. 99-Diit, Tacloban City. Ginpamumuno patay an usa nga lalaki kakulop, alas 2:45 han umagahon.
Ginkilala an ginpatay nga biktima nga hi Raymond Pallones, 32 anyos, residente ha nasabi nga lugar.
Ginkilala naman an mga suspek nga hira Darwin Jalipot, 31 anyos, waray asawa, usa nga OFW, ngan residente ha nasabi nga lugar ngan hi Alfredo Novillo, 25 anyos, mayada live-in partner ngan residente gihapon ha nasabi nga lugar.
Ha interview han RMN kan PCInsp. Elmer Jabinar, Tacloban PNP Station 2 Commander, pareho nga naka-inom hin mahurubog nga irimnon an mga suspek pati na an biktima han magdebate an mga ini rason han ira away nga nagresulta han pamuno.
“Waray pa kami pakaka-establish kun ano gud an gin-awayan hini nira kay infact an mga suspek in diri pa nakaka-istorya kay mga hubog pa.”
Lumakat anay pahirayo ha sarayawan han duha nga suspek kun diin hira nagtatagay upod an biktima. Pagbalik han mga ini, tigda nala ginpamumuno an biktima.
Dead-on-arrival hi Raymond Pallones.
Dayon naman nga naaresto an mga suspek ngan maatubang hin kaso nga murder o di ngani homicide.
