Boracay — Uwa eon it kabuhi tag masapwan ro sangka karpentero sa andang barracks sa may Sitio Lugutan, Manoc-manoc Boracay.
Nakilaea ro nasambit nga biktima kay Demar Hernandez, sa legal nga edad ag tubo it Brgy. Maonon, Ligaw City, Albay nga ginapatihang binangungot.
Sa pag-imbestiga it Boracay PNP nga ginpukaw it anang kaibahan rong biktima sa sueod it barracks para magsueod sa trabaho pero nakibot eamang raya tag madiskubrehan nga uwa eon raya naga ginhawa.
Base sa ginhimo nga eksaminasyon ni Dr. Adrian Salaver sa bangkay it biktima nasayuran nga Hemorrhagic Pancreatitis rong ikinamatay it biktima ukon bangungot.
Nasayuran nga bago nakitang patay si Fernandez hay nag-ininum raya it haeos sang adlaw ko Nobyembre 1 ag pagka gabii pa gid.
Facebook Comments
