Davao City- Patay na nakit-an ang usa ka karpintero sa usa ka tulunghaan sa Barangay Mandug Buhangin District ning siyudad alas 4:00 sa kadlawon.
Nakaangkon og duha ka samad sa likod sa ulo ang biktima nga si Roldan de Rama, hamtong ang pangidaron ug nanimuyo sa mao nga lugar resulta sa iyang kamatayon.
Migula sa imbestigasyon ni SPO3 Ruben Corsino sa Buhangin PNP nga gikalalis sa biktima ang iyang kauban hangtud misangko sa pagpamutal samtang nagtalikod ang biktima.
Daling miikyas ang suspek dihang nakita na niini ang biktima nga nahapla na sa semento ug wala nay kinabuhi.
Padayon pa ginasuta sa imbestigador ang motibo ug ang pagkatawo sa mamumuno.
RadyoMan Joel Viray
Facebook Comments
