Roxas City, Capiz- Subong nga adlaw igapatigayon ang eleksyon para sa mga bag-o nga opisyal sang Liga ng mga Barangay Provincial Chapter.
Kumpirmado nga maga-engkwentro kay incumbent Liga ng mga Barangay President Lelia Demalata si Hon. Querubin Pamplona sang Dumarao samtang ”uncontested” naman si Hon. Ronilo Badoles sang Panay bilang Vice President kag subong man si Hon. Gerundio Villeza sang Jamindan bilang Auditor.
Samtang anum naman ang nagfile sang COC sa pagka-Board of Directors nga amu sanday Hon. Christopher Boot sang Cuartero; Hon. Gina Yelo sang Sapian; Hon. Jenifer Alovera sang Maayon; Hon. Neda Diaz sang Mambusao; Hon. Nico Yap sang Ivisan kag Hon. Loreto Jore sang Sigma.
Otomatiko nga ang magadaug bilang Liga ng mg Barangay President amu ang magarepresentar sang amu nga grupo sa Sangguniang Panlalawigan bilang ex-officio board member.
Samtang yara naman ang presensya sang DILG para sa pag-obserbar snag proseso snag eleksyon.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
