Roxas City, Capiz- Kasado na ang igapatigayon nga opening sang National Disaster Resilience Month Celebration diri sa probinsiya sang Capiz subong nga adlaw sa Robinsons Place-Roxas sa Pueblo de Panay, Brgy. Lawaan.
Gina-ekspektar nga ang programa ang pagatambongan sang nagkatuhay nga mga stakeholders, mga opisyal sang probinsiya sa pagpanguna ni Gov. Tony del Rosario, representante halin sa Office of the Civil Defense(OCD), mga local DRRMOs, national agencies kag iban pa nga sektor.
Antes sini may yara sang igapatigayon nga thanksgiving mass sa St. John Paul Mission Station sa Brgy. Banica kag pagasundan sang motorcade padulong sa Robinsons Place-Roxas.
Samtang may yara man sang igapahatamtang nga photo exhibit, apparatus kag rescue equipment display subong man public service booth ang DyVR RMN-Roxas kag nagkatuhay nga mga responding teams kaangay sang BFP, Philippine Coastguard(PCG), CASAC, Philippine Red Cross, Capiz Emergency Response Team(CERT), Roxas City DRRMO kag iban pa nga mga responding teams.
Ang subong nga tuig nga selebrasyon ang may yara sang tema nga “Katatagan sa Kalamidad ay Makakamtan Kapag Sapat ang Kaalaman sa Kahandaan”.
