Roxas City, Capiz- Gintalana na sang Capiz Business Club ang symposium para sa mga aspirants sa pagka-city mayor kag city vice mayor sa syudad sang Roxas.
Ginkumpirmar ni 1st District Representative Emmanuel “Tawi” Billones Sr. nga ini ang igapatigayon sa Gerry Roxas Foundation sa Barangay Dayao sa maabot nga Setyembre 24 kun sa diin ginalauman nga magatambong si former DILG Secretary Mar Roxas kag iban pa nga mga lideres sang Partido Liberal sa Capiz.
Imbitado man ang tanan nga sector kaangay sang academe, religous, business kag iban pa nga sektor.
Suno pa kay Billones, pinaage sa pagplastar sang mga plata-porma sang mga aspirants, dako ini nga bulig agud nga makapili sila sang kun sin-o ang igatib-ong sang partido nga mangin manok sa pagka-alkalde sang siyudad sang Roxas.
