Magapaindis-indis subong nga aga ang napulo ka mga tribu sa Fiesta Filipinas: kasadyahan regional festival competition.
Ginpahayag ni Dr. Eden Deriada sang Dep-ed, chairman sang kasadyahan cultural competition nga ang napulo ka mga tribu ang makabig nga cream of the crop sang mga banwa nga ila ginarepresentar.
Kalakip sa mga tribu nga nagapasakop sa kasadyahan festival subong nga tuig amo ang mga masunod, Pinta Flores sang San Carlos City, Negros Occidental; tribu kaing sang Leon, Iloilo; Guban Haw-as sang Dumangas, Iloilo; hubon Mangunguma sang Manggahan festival sang San Lorenzo, Guimaras; tribu Pantat sang Zarraga, iloilo; tribu Tultugan sang Maasin, Iloilo; tribu Tinabu-ay sang Murcia, Negros, Occidental; hubon Binagtong sang Manggahan sang Nueva Valencia, Guimaras; ang Manughabol sang Salakayan Festival sang miag-ao, iloilo; kag Tribu Banigan sang Libertad, Antique.
Maga-umpisa ang kompetisyon alas 8 subong nga aga kasunod sang misa nga hiwaton sa San Jose parish church alas 7 subong nga aga.
