Davao City – Andam na ang ipahigayong Kasamang Yano Sports Festival 2018 karong Abril 23 ug 24 ning tuig 2018 sulod sa University of the Philippines (USEP-Mintal) campus dinhi sa syudad sa Davao.
Sa nahitabong coordination meeting sa DXDC special projects team ug Mintal Council of Clubs and Organization (MinCOO) kagahapong adlawa, plastado ug han-ay na ang program ug events sa maong aktibidad nga adunay temang ‘Kabataan ilikay sa droga, isports pakusgan ta.’
Sumala ni DXDC Special Projects Head Misel Miral, tumong sa maong aktibidad nga malikay ang mga kabatan-onan sa di maayong bisyo sama sa pagkalambigit sa ginadiling droga.
Subay niini, mahati sa lima ka cluster ang mga estudyante nga mao ang Ministry, Socio-Civic, Culture & Arts, Academic and Inter-frat ug Pamulaan Society kinsa magtigiay sa managlahing paugnat sa kusog sunod semana.
Pipila sa mga aktibidad mao ang ball games sama sa basketball, volleyball ug table tennis, larong lahi sama sa hikot kawayan, palo sebo, kadang-kadang, dakpanay ug patu challenge, literary contests nga mao ang essay writing, poster making ug spoken poetry ug syempre ang radio reporting contest ug dance contest.
Gilaumang makauban alang sa usaka forum ang Philippine Drug Enforcement Agency (PDEA) XI aron mahatagan ug saktong kahibalo ang mga batan-on kabahin sa illegal nga druga ug ang kadaot nga dala niini sa kinabuhi sa usaka indibidwal.
RadyoMaN Jason Amisola
