Hingpit nga nagmalinawon ang duha ka adlaw nga kasaologan sa mga santos ka Kalag, niadtong November 1 and 2., dinhi sa Cagayan de Oro.
Mao kini ang nadawat nga reports ni Mayor Oscar Moreno gikan sa iyang mga security officials sabay sa iyang pagpasalamat sa katawhan ning syudad nga mikooperar sa gihimong security plan sa kapolisan.
Apan matud ni Moreno nga bisan dunay ginagmay nga mga lalis sa pipila ka mga sementeryo apan nasulbad ra gihapon sa malinawon nga paagi.
Gipasalamatan usab sa Mayor ang Incident Management Team nga ilang na-manage pag-ayo ang paghatag proteksyon sa mga debotong katoliko nga midagsa sa mga sementeryo.
Lakip sa gipasalamatan sa Mayor ang kapolisan, Disaster officials, traffic officials, lakip mga barangay Tanod nga mitabang sa pagmintinar sa kahusay ug kalinaw sa adlaw sa mga santos ug kalag.
