Pagadian City –
Generally peaceful ang pagsaulog sa pasko sa tibook Zamboanga Peninsula kini sumala sa Police Regional Office 9.
Resulta human naka-full alert status ang PRO-9 ug gipakatag ang mga personahe sa tibook rehiyon arun mamintinar ang kalinaw ug masiguro ang seguridad sa mga katawhan atol sa kapaskuhan.
Gibantayan sa kapulisan ang nagkadaiyang simbahan sugod sa unang adlaw sa Misa de Gallo hangtud sa misa sa Christmas eve.
Lakip sa mga dapit nga gibantayan sa mga pulis mao ang mga airports, mga pantalan ug mga terminal. Gawas niana, gitutukan usab sa kapulisan ang kadalanan, mga dagkong tindahan ug mga establisimento.
Samtang gikalipay ni Police Regional Office 9 nga walay natalang insidente nga naigo sa saag nga bala ug sa illegal nga pagpabuto ug armas. Dako matud pa ug gikatabang ang kusganong pagpahinumdom sa publiko sa pagdili sa mga pabuto kon firecrackers ug kampanya sa pagdili sa pagpabuto ug mga armas sa malampusong selebrasyon.
Gidayeg usab ni PBGen.Froilan F Quidilla ang sakripisyo sa kapulisan nga miantos nga dili ikauban ang ilang tagsa tagsa ka pamilya arun maampingan ang komunidad.
Gipasalamatan usab sa regional director ang lig-on nga suporta ug kooperasyon sa mga katawhan arun kini mamahimong malampuson.
