Gilusad sa kapolisan sa tibuok probinsya sa Zamboanga del Norte ang KASIMBAYANAN (Kawani, Simbahan at Pamayanan) para sa Secure, Accurate, Fair and Free (S.A.F.E.) Eleksiyon 2022 sugod kaniadtong Pebrero 18, 2022. Kini mao ang pagpaniguro sa usa ka luwas, tukma, patas ug libre nga pagpahigayon sa bugnong lugaynon nga gisalmutan sa mga nagkalain-laing sektor sa katilingban ug mga nagpakabana nga komunidad karung umalabot Mayo 9 niini nga tuig. Sa Dakbayan sa Dapitan, ang Dapitan City Police Station pinangulohan ni PLtCol Philmore Dagpin Dumagat, Acting, Chief of Police mipahigayon sa Launching sa KASIMBAYANAN Para Sa Secure, Accurate, Fair and Free S.A.F.E. Eleksiyon 2022. Gipahigayon kini pinaagi sa usa ka interfaith nga pag-ampo sa mga Religious Leaders nga gipangulohan nila Rev. Raul Rollinas, Assembly of God ug Pastor Renato Cabaluna, Seventh Day Adventist, Rev Fr. Patrick C Dalangin, Parish Priest sa St. James the Greater nga gisundan sa Pagdagkot sa S.A.F.E Candles ug pag-pin sa S.A.F.E pins ug Manifesto signing. Gitambongan kini ni Atty. Edmund Rey Calo, COMELEC Officer, 1LT Edrian O Resueno(SC) PA, 97 Infantry Philippine Army ug mga personahe sa Dapitan CPS diin gihimo ang nagkadaiya nga Benediction of Religious Leaders, Releasing of White Doves ug gitapos kini sa pag-awit sa PNP Hymn. (MitzieADulawan)
Facebook Comments
