Ang suspek giidentipikang si Ariel Virtudazo alyas Aying, 30 anyos, merchandiser ug residente sa Tahimik Ave. Balusong Ext., Brgy. 74-A.
Sa interbyu sa DXDC RMN Davao kang Police Ltcol Ronald Lao, Station Commander sa Sta Ana Police Station, dugay na nga ginamonitor ang suspetsado nga dinagko ang ginapayuhot nga shabu dinhi sa syudad ug Top-1 City Level and High-Value Individual (HVI).
Niadtong Biyernes Setyembre 1, nabitik kini sa joint buybust operation sa Sta Ana Police, DCPO City Drug Enforcement Unit sa pagpanguna ni PMAJ Bernie Suaga ug Regional Drug Enforcement Unit diin 255.87 grams nga adunay estimated street value nga Php 4,093,920.00 ang nasakmit sa suspek.
Samtang, matud ni Lao nakasibat sa operasyon ang kaubang HVI sa suspek nga giilang si Mark Joseph Lucena taga Skyline Village, Catalunan Grande.
Matud kang Lao, gawas sa Davao ang source sa mga droga sa mga suspek ug dakong epekto kini karon sa pagkaparalisa sa baligyaay sa droga sa pagkasikop sa maong suspetsado.
RadyoMaN Aimee Guinita
