TACLOBAN CITY – Humitaas an kaso han dengue tinikangan dida han enero tubtob desyembre ha tuig 2018 ha Northern Samar.
Sumala kan Dr. Romel Francisco, Development Management Officer ha Northern Samar, umabot ha 1,674 an kaso han dengue ha 18 nga munisipyo nga apektado ha mao nga probinsya.
“Damo nga mga containers or household materials ha Northern Samar an may wutok-wutok or kiti-kiti, so pagdamo ini magdadamo gihap an population han lamok.”
11 an naitala nga namatay tungod han dengue ha nasabi nga probinsya dida han 2018.
An tuig 2018 an may pinakahataas nga kaso han dengue ha Northern Samar hanakalabay nga 5 ka tuig.
Nagdudumara man hin search and destroyed an Department Of Health (DOH) ha mga balay-balay pero kulang hin partisipasyon tikang ha mga tawo.
Samtang, grabe an destroso han bagyong usman ha Northern Samar dida han Desyembre 2018, ha pagka-yana iginpa-ilarom na an bug-os nga probinsya ha State of Calamity.
