Davao City – Nanganti karon ang Gabriela partylist organization nga ilang kasuhan ang nakalabay ug ang kasamtangang gobyerno gumikan sa iskandalo sa Dengvaxia vaccine.
Sumala ni Gabriela partylist Representantive Emmie De Jesus nga ilang pasang-atan og kaso sa Ombudsman sa umaabot nga panahon ang gobyerno ni kanhi Pres. Benigno Simeon Aquino III ug sa kagamhanan karon.
Segun ni De Jesus, adunay tulubagon ang Aquino regime ug ang karon sanglit pareho nila nga gipursige ang pagbakuna sa Dengvaxia ngadto sa mga bata bisan og wala pa mahuman ang pagtuon ani.
Gi-angkon ni De Jesus nga nabalaka siya sa epekto sa iskandalo sa Dengvaxia gumikan sa posibilidad nga magbutang kini sa alanganin sa ubang mga vaccine programs sa gobyerno.
Busa gipahingusgan sa magbabalaud nga angay lang makasuhan og kurapsyon sa Ombudsman ang kanhi ug ang kasamtangang mga opisyal sa gobyerno human pareho nilang gibutang sa kadelikado ang kinabuhi sa mga bata.
Duha ka askyon ang gihimo sa Gabriela partylist aron tabangan ang mga bata nga makalikay sa bung-aw sa kamatayon tungod sa Dengvaxia hilabi na sa mga nabakunahan apan wala pa nagkasakit og dengue.
Gihagit usab sa Gabriela ang Department of Interior and Local Government (DILG), Department of Health (DOH) ug Department of Education (DEPED) nga monitoron ug susihon ang kahimtang sa mga bata nga nabakunahan sa Dengvaxia.
RadyoMaN Joel Viray
