Isinasapinal na ng Quezon City Police District (QCPD) at ng Quezon City Local Government Unit (LGU) ang kasong kriminal at administratibo na isasampa laban sa pinaniniwalaang mga responsable sa aksidente sa isang condominium sa Tomas Morato noong Agosto 12 na naging sanhi upang mabagsakan ng palitada ang tatlong batang mag-aaral.
Ito ang ipinahayag ng LGU kasunod ng pagpanaw ng isa sa dalawang batang nabagsakan ng palitada.
Nagpagpaabot na ang LGU ng pakikiramay sa pamilya ni CJ Baldonado at nangakong gagawin nito ang lahat upang makamit ng pamilya ni CJ at ng dalawa pang batang naapektuhan ng insidente ang hustisya.
Nakikipag -ugnayan na rin ang Social Services Development Department (SSDD) sa pamilya upang agad na makapagpaabot ng kinakailangang tulong.
Nanawagan din ang lokal na pamahalaan sa publiko na ipagdasal ang agarang paggaling ng iba pang mga biktima ng aksidente.
