Numancia, Aklan — Arestado rong mga suspek sa natabong pagpanakaw sa sangka bodega sa Brgy. Bulwang, Numancia, Aklan kahapon.
Suno kay SPO1 Lachica it Numancia MPS, nga kahapon hay naka baton sanda it tawag halin sa tag-ana it bodega nga si Ester Mesina Magno, 55-anyos ag residente it Brgy. Andagao, Kalibo nga may natabo nga pagpanakaw sa anang bodega.
Gin reposdehan rayon nanda ro nasambit nga report ag natukiban nga may mga nagkaeaduea sa andang stocks.
Sa ginpatigayon nga follow up it Numancia PNP, na recover sa baeay ni Amalia Revera it Brgy. Pusiw, Numancia ro mga masunod: 4 units it DVD player, 1 unit it amplifier, 2 units it electric fan, 3pcs it blanket, 1 pack it face towel ag 1 pack it panyo.
Dayon man nga naaresto rong mga suspek nga sanday Justine Dale Tabing, 18-anyos, certain John Mark, 16-anyos, certain James, 14-anyos ag certain Ruben, 17-anyos nga unga ni Amalia.
Raya nga mga suspek hay una sa paghinakop it Numancia MPS para sa nagakaigo nga disposisyon.
Uwa pa man masayuri kon pila gid tanan ro balor it mga nagkaeaduea nga kagamitan.
