Ipinasa na ng Independent Commission for Infrastructure (ICI) sa Office of the Ombudsman ang referral case ng 37 mga indibidwal na sangkot umano sa maanomalyang flood control projects.
Ayon kay Pangulong Ferdinand Marcos Jr., nakapaloob sa mga inirekomendang criminal charges ang graft and corruption, malversation, falsification, at plunderna kinakaharap ngayon ng ilang mambabatas, dating opisyal ng Department of Public Works and Highways (DPWH) at Commission on Audit (COA), at mga contractor.
Mayroon ding inihaing administrative cases laban sa ilan pang sangkot na personnel.
Kabilang sa mga pinakakasuhang mga mambabatas na sina:
▪️ Senator Joel Villanueva
▪️ Senator Jinggoy Estrada
▪️ Former Representative and House Appropriations Chair Zaldy Co
▪️ Former Caloocan 2nd District Representative Mitch Cajayon-Uy
Kasama rin sa kaso ang mga dating opisyal ng gobyerno, na sina:
▪️ COA Commissioner Mario Lipana
▪️ Former DPWH Secretary Manuel Bonoan
▪️ Former DPWH Undersecretary Roberto Bernardo
▪️ Former DPWH Undersecretary Maria Catalina Cabral
Pinasasampahan din ng kaso ang mga opisyal ng DPWH Bulacan 1st District Engineering Office na sina:
▪️ Henry Alcantara – Former OIC-ARD
▪️ Brice Hernandez – Former OIC-District Engineer
▪️ Jolo Mari Tykiao, PE II
▪️ Lemuel Ephraim Roque, PE
▪️ John Michael Ramos – Chief, Construction Section
▪️ Ernesto Galang – Planning and Design Section
Mahaharap din sa reklamong kriminal ang mga kontratista na:
▪️ St. Timothy Construction ng mag-asawang Sara at Curlee Discaya
▪️ Wawao Builders
▪️ Syms Construction Trading
▪️ IM Construction Corp.
▪️ Topnotch Catalyst Builders Inc/One Frame Construction Inc.
Ayon sa pangulo, unang batch pa lamang ito ng kanilang case referrals, at inaasahang madaragdagan pa ang listahan habang nagpapatuloy ang mas malalim na imbestigasyon sa flood control scam.
Wala rin aniyang sinuman, mapa-senador o dating opisyal, ang makakatakas sa pananagutan kapag napatunayang sangkot sa korapsyon.
