CAUAYAN CITY – UMABOT NA SA 1,117 ANG NAITALANG KASO NG DENGUE SA BUONG LALAWIGAN NG CAGAYAN MULA ENERO HANGGANG HULYO 6, 2025, AYON SA ULAT NG PROVINCIAL HEALTH OFFICE (PHO). MAS MATAAS ITO KUMPARA SA MAHIGIT 400 KASO NA NAITALA SA KAPAREHONG PANAHON NOONG 2024.
PINAKAMATAAS ANG KASO SA BAYAN NG BAGGAO NA MAY 107, SINUNDAN NG LASAM NA MAY 77 KASO, ABULUG NA MAY 75 KASO GONZAGA NA MAY 71 DENGUE CASES AT SANTA TERESITA 68 KASO.
SA PINAKAHULING DATOS, MAY WALONG BAGONG KASO NA NAITALA NITONG WEEKEND. DALAWA RITO AY MULA SA LAL-LO, HABANG TIG-IISA SA BAGGAO, LASAM, CAMALANIUGAN, BALLESTEROS, SOLANA, AT APARRI.
DAHIL SA PATULOY NA PAGTAAS NG KASO, MULING NANANAWAGAN ANG PHO SA PUBLIKO NA SUNDIN ANG 5S KONTRA DENGUE: SEARCH AND DESTROY, SELF-PROTECTION, SEEK EARLY CONSULTATION, SUPPORT FOGGING AND SPRAYING, AT SUSTAIN HYDRATION.
PAALALA RIN NG PHO NA AGAD MAGPATINGIN SA DOKTOR SA ORAS NA MAKARANAS NG SINTOMAS NG DENGUE AT IWASAN ANG SELF-MEDICATION.
