Manila, Philippines – Naibasura na noon pang 2013 ng Department of Justice ang kaso laban kay Dangerous Drugs Board Chairman Dionisio Santiago.
Sa isang mensahe, kinumpirma ni Justice Undersecretary Erickson Balmes na noong August 5, 2013 ibinasura ang kasong paglabag sa Republic Act 9165 o Comprehensive Dangerous Drugs Act of 2002 partikular ang SECTION 5 o Sale, Trading, Administration, Dispensation, Delivery, Distribution and Transportation of Dangerous Drugs and/or Controlled Precursors and Essential Chemicals at SECTION 27 o Criminal Liability of a Public Officer or Employee for Misappropriation, Misapplication or Failure to Account for the Confiscated, Seized and/or Surrendered Dangerous Drugs, Plant Sources of Dangerous Drugs, Controlled Precursors and Essential Chemicals, Instruments/Paraphernalia and/or Laboratory Equipment Including the Proceeds or Properties Obtained from the Unlawful Act Committed laban kay Santiago.
Pero sinabi ni Balmes na sasailalim parin sa automatic review ng Department of Justice ang kaso ni Santiago.
Nag-ugat ang kaso makaraang kumuha ng serbisyo si noo’y PDEA Chief Santiago sa isang incinerator firm para sa mga nakukumpiska nilang mga droga sa operasyon.
Pero nabatid na ang contractor pala nang nasabing incinerator firm ay ibinebenta ang mga droga na nasasabat ng PDEA.
Inaksyunan ito ng PDEA pero pinigilan pa sila ni Santiago.
