Mas daghan pa kuno ang traffic accidents kumpara sa krimen nga gakahitabo sa syudad sulod sa napulo ka bulan ning tuiga. Kini matud pa sa data nga gikan sa Cagayan de Oro police office.
Matud pa sa cocpo nga aduna silay natala 1,840 nga traffic accidents sa syudad gikan Jan.1-Oct.Oct.31 ning tuiga, Kini nagpasabot nga labaw pa ug 130 ka kaso kompara sa crimes against property. Kini matud pa ni Chief Insp. Mardy Hortillosa II.
Sa 1,710 ka mga kaso nga natala sa Cocpo sa 80 ka barangay sa syudad , ang theft mao ang nag-una sa listahan nga adunay 1,205 ka mga kaso, gisundan kini sa robbery sa 396 ka mga kaso, carnapping nga adunay 10 ka kaso, motorcycle theft 98 ka kaso ug usa ka kaso sa cattle rustling.
Matud pa ni Hortilosa, ang spokesperson sa Cocpo nga ang Agora area sa Lapasan ug ang Cogon ang mga lugar nga pinaka daghan ug problema gumikan sa mga krimen kalabot sa butang ang gakahitabo dinhi sulod sa 10 ka bulan.
