Kaso sa COVID-19 sa probinsya napun-an og tulo

15

Pagadian City – Nisaka na ngadto sa 43 ang kinatibuk-an nga kompirmadong kaso sa probinsya sa Zamboanga del Sur dihang nadugangan og tulo kagahapong adlawa.
Base sa ulahing impormasyon sa Zamboanga del Sur Inter Agency Task Force (ZDS-IATF) ang mga nadugang nagagikan sa lungsod sa Dinas, Ramon Magsaysay ug Pitogo.
Nagpositibo sa maong kagaw ang 64-anyos nga lalaki nga LSI nga taga purok Paragayo, Poblacion, Pitogo, gikan ang pasyemte sa Baseco, Manila ug naka-abot niadtong July 17, 2020.
Bisan og asymptomatic o walay sintomas nga gibati gi-atiman gihapon sa Municipal Isolation Facility ang pasyente.
Positibo usab nga COVID-19 ang gitakboy sa 30-anyos nga lalaki nga LSI nga taga-Purok Longos, Ignacio Garrata, Dinas, nga gikan sa Mangahan, Pasig City ug naabot niadtong July 21, 2020 via Cebu Pacific, flight# 5J771.
Ang pasyente nga asymptomatic naa pa karon sa Zambo.Sur Medical Center.
Usa ka babaye nga 41 usab ang natalang bag-ong kaso sa lungsod sa Ramon Magsaysay partikyular sa Purok 4, Brgy. Switch.
Gikataho nga aduna kini close contact sa nagpositibo sa COVID 19. Ang pasyente naka-home quarantine ug gikatakda na nga ibalhin sa Municipal Isolation Facility alang sa close monitoring.
Misaka pagbalik ngadto sa 17 ang aktibong kaso sa COVID 19 sa probinsya.

Facebook Comments