Pagadian City – Padayon ang pagkunhod sa ihap sa mga nagpositibo sa Covid-19 sa probinsya sa Zamboanga del Sur.
Base sa labing ulahing talaan sa Integrated Provincial Health Office (IPHO) kagahapong adlawa diin bisan mitala og dugang 17 ka bag-ong kaso sulod sa 24-oras busa mipatong sa 407 ang kinatibuk-ang aktibo nga kaso sa probinsya.
Nag-una gihapon sa listahan ang dakbyan sa Pagadian nga mitala og 128 ka aktibong kaso gisundan sa lungsod sa Kumalarang nga dunay 32, Labangan dunay 25 ka pasyente ang gimonitor.
Kagahapon niihap usab sa 36 ka pasyente ang naulian na og nakagawas gikan sa nagkadaiyang mga isolation facilities.
Apan nikabat na sa 155 ang namatay sa Covid-19 sa probinsya kun asa namatay ang 65-anyos nga pasyente nga taga-Brgy. Benuatan, Dinas,Zamboanga del Sur.
