Zamboanga del Sur – Padayon nga nisutoy ang ihap sa mga nataptan sa Covid-19 sa probinsya sa Zamboanga del Sur base sa ulahing datos nga gipagula sa Integrated Provincial Health Office (IPHO)-Zamboanga del Sur.
Sa gipagulanga talaan niabot na sa 104 ang aktibong kaso sa probinsya kun asa nag-una gihapon sa listahan ang dakbayan sa Pagadian nga dunay 43 ka aktibong kaso. Nagsunod sa talaan ang lungsod sa Labangan nga dunay 19 ka pasyente nga giatiman samtang ikatulo, ang Tukuran nga dunay 11 ka pasyente sa Covid-19.
Sa ikaduhang distrito sa probinsya nakuha sa lungsod sa Margosatubig ang taas nga kaso nga niabot sa 9 ka pasyente samtang ang Lapuyan ug Dimataling dunay tag-duha ka kaso sa Covid. Samtang upat usab ka pasyente ang gimonitor sa lungsod sa Aurora ug dunay natalang duha ka pasyente sa munisipalidad sa Sominot niining probinsya.
Nakatala usab og tag-usa ka kaso ang Ramon Magsaysay, Molave, Mahayag ug lungsod sa bayog diin laing pito usab ka pasyente ang gikan sa ubang probinsya ang giatiman karon dinhi sa atong lugar.
