General Santos City—Mokabat na sa 59 ang ihap sa nagpositibo sa Covid-19 sa Rehiyon-12. Kini subay sa pinakauwahing datos nga gipagula sa Department of Health Center for Health Development SOCCSKSARGEN Region.
Sa Press Realease nga gipagula sa ahensya alas 6:00 ang takna kagabie, duha ang nadugang nga kaso sa nagpositibo sa Covid-19 sa Region-12 nga gilangkuban sa 26 anyos nga babaye, usa ka LSI, nga taga Malapatan Sarangani Province, duna kini travel history sa Manila ug niabot sa Gensan niadtong June 15.
Gipailawom kini sa PCR Test niadtong June 25 ug kagahapong adlawa migula ang resulta sa test diin nagpositibo kini sa virus.
Ikaduhang nadugang mao ang 36 anyos nga babaye, usa ka LSI nga taga Sultan Kudarat. May travel history kini sa Manila ug niabot sa probinsya niadtong June 9. Sa karon anaa sa stable ang kondisyon sa nasangpit.
