Davao City- Gipakusgan karon sa lokal nga panggamhanan sa Tagum ang measures kontra sa COVID-19.
Sa ekskulisibong interbyu sa DXDC RMN Davao kang Tagum City Mayor Allan Rellon kini aron dili na mukaylap ug mudaghan pa ang active cases sa ilahang syudad.
Adunay 28 ka mga active cases ug 3 deaths sa coronavirus ang Tagum City.
“Sa karon lipay ko kay nibalik natong among normal ug balanse nga availability sa room ug sa nag-positive kay katong nilampas mi’g 30 nakulbaan nako, naa mi karon sa 28 so diha mi nag-range while waiting sa additional namo nga facility, manageable ug controllable namo pero naa namiy local ug community transmission,” sumala ni Rellon.
Gibutyag sa alkalde, nadesisyunan nila nga ipabilin gihapon nga dili pagawson ang mga senior citizens, nagedad 60 years old pataas ug 20 paubos except sa mga frontliners ug mga Authorized Persons Outside Residences.
(Aimee Guinita)
