Gitambungan kini sa 300 myembro sa barangay’s Mosquito-Borne Diseases Task Force (MBDTF) gikan sa 34 ka barangay diin anaa usab mihatag og pagtulun-an ang mga local ug national health and research institutions.
Kini nga panagtigom nagtinguha nga mapakusgan ang partisipasyon sa komunidad nga batukan ang dengue pinaagi sa regular nga pagpanghinlo sa palibot ug fogging.
Kahinumdoman nga sa report sa City Health Office (CHO), mikunhod og 27% ang kaso sa dengue gikan January hangtod June karong 2024 kumpara sa samang period niadtong 2023. Apan giawhag sa CHO ang publiko nga dili magpakampante ug padayon sa operasyon kontra dengue ilabi na karong ting-ulan.
Samtang sa Tagum City, Davao del Norte, nakatala ang syudad og 26 ka bag-ong kaso sulod lamang sa usa ka semana rason nga miabot kini karon sa kapin 700 ka kaso.
RadyoMaN Ivy Parido
