Kaso sa dengue sa Davao nikunhod

23

Davao City – Padayon ang pag-ubos sa kaso sa dengue sa dakbayan sa Davao karong tuiga.

Gibutyag ni City Health Office Tropical Diseases Prevention and Control Division Pest Control Worker II Melodina Babante nga kung itandi niadtong Enero-Hunyo 2018 nga adunay 1,050 ka dengue cases, sa susamang period karong 2019 adunay na lamang 840 ka mga kaso.


Apan wala magkumpyansa ang CHO tungod ilabina nga ang bulan sa Hunyo ngadto sa Setyembre maoy gikonsiderang peak months sa sakit sa Dengue.

Sa pagpanguna sa CHO sa pakig-alayon sa Ancillary Services Unit (ASU), City Environment and Natural Resources Office (CENRO), Barangay & Cultural Communities Affairs Division (BCCAD) ug DMSF students mukasa sila’g Simultaneous Clean-Up drive karong Sabado sa mga Dengue hotspots areas sa dakbayan.

Subay sa talaan sa CHO ang mga hotspot areas mao ang Brgy. Cabantian Buhangin, Buhangin Proper, Maa, Bucana,SIR Matina, Catalunan Grande, Matina Crossing, Wilfredo ug Lapu-lapu Agdao.

Nakatala usab og 3 dengue death cases ang Davao niadtong Enero diin ang biktima usa ka 74 anyos nga taga-Brgy. 76-A, niadtong Abril, 7 anyos nga bata nga taga Mahayag, Bunawan ug niadtong Sabado usa ka 5 anyos nga taga-Brgy. Bato Toril ang kumpirmadong namatay usab tungod sa dengue.

RadyoMaN Aimee Guinita

Facebook Comments

From Advertisers