Sa report sa Davao City Health Office, kung ikumpara sa 2022 ang kumpirmadong mga kaso sa dengue nga 3,758 , sa 2023 niabot kini’g 6,252.
Matud ni Dr. Tomas Ababon, CHO Officer-In-Charge nga nakigkoordinar na sila sa Department of Health para mupahigayon og mga seminars sa barangays sa pagpakusog sa Dengue Task Force subay sa Ordinance No. 0401 series of 2020 o ang City Health Office Mosquito-Borne Viral Disease Prevention Program.
Gawas sa pagsaka sa mga kaso sa dengue, nisaka usab ang namatay ngadto sa 51 niadtong nakalabayng tuig.
Padayong nagaghat ang CHO sa mga Dabawenyos nga pangitaon ug bungkagon ang mga breeding sites sa lamok.
Kung adunay balatian dili na hulaton nga mugrabe inay magpakonsulta dayon sa doktor ug giawhag nga suportahan ang fogging ug misting programs.
RadyoMaN Aimee Guinita
