Kaso sa dengue sa probinsya nikunhod

31

Pagadian City – Nikunhod ang kaso sa dengue sa Probinsiya sa Zamboanga del Sur sa bulan sa setyembre karong tuiga base sa record sa Provincial Health Office (PHO).
Sa kinatibuk-an niabot ngadto sa 3,439 ang kaso sa dengue sa niining tuiga diin 28 ang patay ug katorse niini gikan sa syudad sa Pagadian.
Sumala ni Wilfred Agtina, ang Provincial Disease Survillance Officer sa Provincial Department of Health Office, nag-una gihapon sa talaan sa ihap sa dengue case ang Pagadian nga dunay 696, Margosatubig 370,Vicenzo Sagun 276 , Dimataling 198, Kumalarang 150, Labangan 144 , Dumalinao 129, Midsalip 125, Dinas 123, Lapuyan 115, San miguel 110 ug 100 ka kaso sa lungsod sa Pitogo.
Sigon ni Agtina inanay nga nikunhod ang kaso sa dengue sa pagpatung sa bulan sa setyembre kun ikompara sa katapusang semana sa hunyo ug unang napulo ka adlaw sa bulan hulyo.
Sa interview kang Dr. Noel Cineza, ang Pagadian City Health Officer dyutay na ang tsansa nga ipailalom sa state of calamity ang syudad sa Pagadian gumikan kay nikunhod na usab og 40 porsyento ang kaso sa Dengue sa dakbayan.
Apan gikomperma ni Cineza ang taga Barangay Dao, Pagadian ang ulahing bata nga namatay sa dengue nga didto gidala sa Cagayan de Oro City.

Facebook Comments

From Advertisers