Kaso sa HIV AIDS sa Davao City nisaka na sa kapin 4,000

Davao City- Nisaka ngadto sa 4,241 ka kaso sa human immunodeficiency virus-acquired immunodeficiency syndrome (HIV/Aids) ang syudad sa Davao base sa November 2022 nga data nga gihatag sa Davao City Reproductive Health and Wellness Center (RHWC).

Ang datos, nagsumikad pa kini niadtong 1993, diin ang syudad nakatala og pinakaunang kaso sa (HIV/Aids).

Sa interbyu sa RMN Davao kang Dra. Jordana Ramiterre, Davao City RHWC Head, pinakadaghang natakbuyan sa maong balatian ang mga MSM intercourse kun men who have sex with men (MSM) diin anaa sa 2,437 ka kaso samtang sa mga lalaking bisexual anaa sa 1,230 ka kaso ug Heterosexual anaa sa 529 ka kaso.

Samtang, 12 ang kaso sa mother-to-child transmission, 33 ang unknown ug 199 ang natalang namatay.

Gibutyag sa opisyal, sa maong datos 4,010 ang mga lalaking pasyente ug 231 ang mga babae.

Sumala ni Ramiterre nga nagtanyag ang lokal nga panggamhanan og libreng testing ug treatment alang sa mga posibleng naigo o nagpositibo sa Human Immunodeficiency Virus (HIV).

Dugang niini nga gapanghatag usab ang center og tambal kontra HIV nga Pre-exposure prophylaxis (PrEP).

RadyoMaN Aimee Guinita