Gibutyag sa DOH nga ang Leptospirosis infections sagad mutaas panahon sa ting-ulan.
Ug tungod sa sagunson karong pag-ulan ilabi na sa Davao City nga nakasinati og pagbaha, nagpahinumdon ang City Health Office (CHO) nga dili magpasagad og tamak sa tubig baha ug kung importante gyud ang lakwon, angay nga magsuot og botas.
Ang maong sakit makuha sa pagtamak sa baha ilabi na kung mahumol ang parte sa lawas nga aduna’y samad o pag-inom og tubig nga contaminated sa ihi sa mga hayop nga aduna’y leptospira.
Kung ugaling mabati na ang kalintura, pagsakit sa kaso kasohan, sakit sa tiyan, pagpangluspad, pagpamula sa mata, ginagmay nga ihi, lisod ang pag ginhawa ug diarrhea human makatamak sa tubig baha, naa may samad o wala, pahimangno sa buhatan nga muduol dayon sa pinakaduol nga health center o hospital aron malikayan ang komplikasyon nga sama sa kidney failure, pulmonary hemorrhage o kamatayon.
RadyoMaN Ivy Parido
