Kaso sa patay sa Gensan gikadismaya sa Mayor

General Santos City— Dismayado Si Gensan City Mayor Ronnel Rivera sa kaso sa mga pagpamusil dinhi sa dakbayan kung asa gibutyag niini nga dili gyud kadawat-dawat ang maong mga kaso.

Pamahayag niya nga sa karon, iyaha ng ginapadalian ang pagpalit ug mga CCTV cameras nga ipang butang sa mga nag-unang kadalanan sa dakbayan.

Pag-angkon niya nga bisan pa man ug adunay checkpoint, dili gyud malikayan ang mga krimen, rason nga panahon na gyud aron nga magmuntar ug mga cctv camera.


Dugang pamahayag ni Mayor Rivera nga gawas sa programa sa kapulisan batok kriminalidad, aduna man usab organisasyon nga gimugna ang lokal nga panggamhanan aron nga mutabang sama nalang sa purok laban sa krimen.

Gawas matud pa sa cctv, gikinahanglan pa gyud sa dakbayan ang uban pang mga himan aron nga masulbad ug mabatukan ang kriminalidad.

Sila matud pa sa lokal nga panggamhanan ang ginahimo usab ang tanan sama nalang sa intel gathering aron nga matabangan ang kapulisan.

Facebook Comments