Davao City – Naalarma ang Sangguniang Kabataan kun SK sa nagkataas nga ihap sa kaso sa teenage pregnancy sa syudad sa Davao diin base sa datos sa Philippine Obstetrical and Gynecological Society (POGS-SOUTHERN MINDANAO), anaa na sa kapin 4,000 ang natala nga nalambigit sa sayong pagbuntis.
Sa pakighinabi sa DXDC RMN Davao kang Mintal SK chairman Kendall Joyce Abrio, gisaysay niini ang ilang plano aron usab makatabang sa pagkunhod sa ihap sa nasangpit nga kaso diin usa ang Mintal district sa tulo ka mga distrito sa dakbayan diin asa natala ang dagkong kaso lakip usab ang Tugbok ug Toril.
“For prevention, padayon ang intensive reproductive health seminars, dili ingon nga campaign na siya pero para pud mahatagan sila og proper education,” sigun ni Abrio.
Dugang ni Abrio, gawas nga maglusad og reproductive health serminars, plano usab nila nga tukion ngadto sa mga batan-ong inahan ang giingong responsible parenthood.
“Kay para matabangan namo sila unsaon pag-care through partnership sa proper sectors through the help pud of SK and Brgy. health workers,” dugang ni Abrio.
Panawagan niini ngadto sa mga kabatan-unan nga mamahimong aktibo sa pag apil sa mga aktibidad sa Brgy. tungod abri matud pa ang SK aron maminaw sa mga mulo sama sa nasangpit nga isyu.
RadyoMaN Renz Barbarona
