Kaso sang abduction sa banwa sang Ajuy, ginapatutukan ni IPPO Director Sr. Supt. Marlon Tayaba.

Ginapatutukan ni IPPO director Sr. Supt. Marlon Tayaba ang kaso sang pag-abduct sa 22 anyos nga si Renelyn Ira sa Sitio Casamata, barangay Central Ajuy, Iloilo sang nagligad nga gab-i.
Suno kay Tayaba nga gina-trace na sang Ajuy PNP ang posible gindal-an sang mga suspek sa biktima.
Ginapatihan man sini nga planado ang ginhimo nga pag-abduct sa biktima matapos ma-recover sang mga pulis ang motorsiklo nga gingamit sang mga suspek sa pagpalagyo dala ang biktima.
Kadungan sini, ginmanduan man ni Tayaba ang mga Chief of Police sa mga kabanwahanan nga mag-coordinate sa mga School Principals agud maghimo sang mga pamaagi agud mapunggan ang kaso sang abduction sa mga kabataan.
Nahibaluan nga pila ka mga attempted abduction ang nagluntad sa pila ka mga banwa sang damlag lamang nga ginka-alarma sang mga ginikanan kag kapulisan. (sspunay)

Facebook Comments