Nagalab-ot na sa 5, 366 ang kaso sang balatian nga dengue kag 23 na ang narekord nga patay base sa datos sang Provincial Epidemiology Surveillance Unit sang Provincial Health Office sang South Cotabato halin Enero tubtob Agosto 31 subong nga tuig.
Sa nasambit nga numero mataas ini sang 192 percent kumparar sang nagligad nga tuig sa kapareho nga period.
Narekord naman ang nabawian sang kabuhi sa syudad sang Koronadal kag Surallah nga may apat, Polomolok – 3, tig duha naman sa banwa sang Banga, Sto. Niño,Tampakan, T`boli kag Norala, tig-isa naman sa banwa sang Tantangan kag Tupi.
Samtang suno kay Assistant Provincial Health Officer Dra. Ala Baby Vingno madugay pa nga matapos ang outbreak status sang South Cotabato sa kaso sang balatian nga dengue sa probinsya bisan panubo na.
May-angot sini, ginahingyo niya sa tanan nga mga pumuluyo sa probinsya nga padayon nga ipatuman ang “sabayang oplan kulob” bisan sa mga government offices.
Ginkumpirmar man ni Dra. Vingno nga subong nga semana may team halin sa national ang magapadulong dire sa probinsya agud nga imonitor ang outbreak response sang LGU.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
