Roxas City, Capiz – Naglab-ot na sa kabug-osan nga 92 ang kaso sang COVID-19 sa probinsya sang Capiz matapos nga tatlo ka mga bag-o nga kaso ang narekord kahapon nga adlaw, Hulyo 9, 2020.
Ang mga ini ang ginalakipan sang mga masunod!
23- anyos nga babaye nga APOR ukon Authorized Person Outside Residence nga taga-banwa sang Dao.
31- anyos nga lalaki nga APOR nga taga-syudad sang Roxas.
Sa interview kay PHO information Officer Mr Ayr Altavas, ang nasambitan nga mga positive patients ang lunsay nagatrabaho bilang call center agent sa syudad sang Iloilo.
Samtang nagpositibo man sa corona virus disease ang 50-anyos nga lalaki nga LSI nga taga-banwa sang Panay kag may yara sang history of travel sa Pasay City, Metro Manila.
Sa 92 nga numero sang confirmed cases, 43 ang aktibo nga kaso ukon padayon nga ginabulong, 47 ang nakarekober samtang nagapabilin sa gihapon nga duha ang ginbawian sang kabuhi.
