Nadugangan sang 31 ang mga COVID-19 cases sa Negros Occidental samtang 27 naman sa ciudad sang Bacolod subong nga Sabado, Hulyo 25, 2020.
Ang mga kaso sa probinsya ang lunsay halin sa locally stranded individuals (LSI) kag overseas Filipino workers (OFW).
24 sa 27 nga bag-o nga kaso sa Bacolod ang indi man halin sa LSI kag indi man OFW. Makabig ang mga ini nga “indigenous” cases ukon ang infection nga nakuha sang pasyente ang halin sa komunidad ukon palibot.
Yari ang breakdown sang mga kaso sa probinsya suno sa Department of Health Western Visayas Center for Health Development Case Bulletin No. 121:
Bago City – 6
Binalbagan – 1
Calatrava – 1
Candoni – 1
Himamaylan City – 2
Ilog – 2
Isabela – 1
Kabankalan City – 2
Manapla – 2
Murcia – 1
Pontevedra – 2
Pulupandan – 1
Sagay City – 3
Silay City – 2
Sipalay City – 2
Victorias City – 2
Sa kabilugan may 1,036 cases sa Western Visayas kon sa diin 424 ang active cases ukon ang padayon nga ginabulong kag nagapaayo. 26 ang bag-o nga naka-recover rason nga nagsaka na sa 596 ang total recoveries.
Nagapabilin sa 16 ang napatay bangud sa virus.
Matandaan nga kahapon, July 24, 35 ang nagdugang nga mga kaso sa probinsya samtang 25 naman sa Bacolod.
